Семінар быў арганізаваны на базе Купалаўскага ўніверсітэта Гродзенскай абласной арганізацыйнай структурай РДГА «Веды» і РГА «Белая Русь». У тэматычным мерапрыемстве прынялі ўдзел члены грамадскага аб'яднання, у ліку якіх купалаўцы.

З прывітальным словам да ўдзельнікаў пасяджэння звярнулася намеснік старшыні абласной арганізацыі РГА «Белая Русь», першы намеснік старшыні праўлення, член праўлення РДГА «Веды» Святлана Вараніца. Яна падзякавала ўдзельнікам за прысутнасць і адзначыла, што тэма пасяджэння «Беларусь суверэнная: ад аднаўлення народнай гаспадаркі да інавацыйных праектаў будучыні» ў перыяд сённяшняй сусветнай абстаноўкі як ніколі актуальная. Святлана Уладзіміраўна адзначыла, што сёння важна пазначыць траекторыю далейшага развіцця ў рамках арганізацыі і выбраць прыярытэтныя напрамкі.

Спікерам мерапрыемства стаў Аляксей Аўдонін, аналітык Беларускага інстытута стратэгічных даследаванняў.

– Цяпер уся сусветная ўвага прыкавана да паседжання Вышэйшай Еўразійскай эканамічнага савета. Як адзначыў Аляксандр Лукашэнка, без харчовай бяспекі не можа існаваць ніводная з краін. Гэта аснова эканамічнай бяспекі і развіцця суверэнных краін. На пленарным пасяджэнні Еўразійскага эканамічнага форуму «Стратэгія еўразійскай эканамічнай інтэграцыі: вынікі і перспектывы» былі абазначаны контуры абноўленай версіі эканамічнага саюза. Зыходзячы з новай канцэпцыі, неабходна сфармуляваць актуальныя палажэнні ў нашай рабоце, каб працаваць на апярэджанне, – падкрэсліў спікер.

Падчас свайго выступу Аляксей Аўдонін неаднаразова спасылаўся на тое, што нам як суверэннай дзяржаве неабходна памятаць вытокі і разумець, які шлях мы прайшлі. Асноўную храналогію эканамічнага развіцця Беларусі спікер адлюстраваў у сваёй прэзентацыі.

Адзначым, што беларускае таварыства «Веды» мае дзяржаўны статус і займаецца распаўсюджваннем навуковых ведаў, узмацненнем іх уплыву на развіццё інавацыйнага мыслення і сацыяльнай актыўнасці грамадзян, зацвярджэннем здаровага ладу жыцця, забеспячэннем стабільнасці і грамадзянскай згоды ў Рэспубліцы Беларусь.