22-23 верасня прайшлі спаборніцтвы па міні-футболе сярод жаночых каманд у праграме круглагадовай спартакіяды-2025/2026. Удзел у паядынках узялі 10 каманд факультэтаў універсітэта.На працягу двух дзён дзяўчаты паказвалі свой спрыт, цягавітасць і ўменне працаваць у камандзе.
Па выніках напружанай барацьбы трэцяе месца заваявала каманда інжынернага факультэта. Другое месца ў факультэта біялогіі і экалогіі. Пераможцам спаборніцтваў стала каманда юрыдычнага факультэта.
Прыз у намінацыі «лепшы гулец» дастаўся студэнтцы 3 курса юрыдычнага факультэта Лізавеце Шчарбук. Лепшым варатаром стала студэнтка 3 курса факультэта біялогіі і экалогіі Дар'я Лапцева. Званне «лепшы нападаючы» атрымала студэнтка 2 курса факультэта біялогіі і экалогіі Маргарыта Крыштопік. У намінацыі "лепшы абаронца" роўных не было студэнтцы 3 курса інжынернага факультэта Паліне Сульжыцкай.
Віншуем купалаўцаў і жадаем далейшых спартыўных перамог!
