У мерапрыемстве прынялі ўдзел дэкан Міжнароднага інстытута і Школы бесперапыннай адукацыі Чэнь Кэ, дырэктар Школы бесперапыннай адукацыі Доу Янь, дырэктар Міжнароднага праектнага цэнтра Школы бесперапыннай адукацыі Хан Чжэньцзі, намеснік дырэктара Міжнароднага праектнага цэнтра Школы бесперапыннай адукацыі Гао На. Купалаўскі ўніверсітэт на сустрэчы прадставілі прарэктар па вучэбнай рабоце Лявонцій Паўлаў, начальнік цэнтра інтэрнацыяналізацыі адукацыі Алена Белакоз, начальнік аддзела міжнароднага супрацоўніцтва Вольга Мінава, в.а. начальніка аддзела міжнародных праектаў і акадэмічнай мабільнасці Аляксандра Жук, начальнік вучэбна-метадычнага ўпраўлення Марына Калоцэй, старшы выкладчык кафедры перакладу і міжкультурнай камунікацыі Ванг Тао.

Тэмай для абмеркавання сталі актуальныя кірункі супрацоўніцтва, а менавіта гадавыя магістарскія праграмы 0,3+0,7. Такі фармат прадугледжвае 3 месяцы навучання ў Кітаі і 7 месяцаў навучання ў Купалаўскім універсітэце.

Даведачна: Шаньдунскі жаночы інстытут з'яўляецца адной з трох жаночых ВНУ Кітайскай народнай Рэспублікі і членам Сусветнай асацыяцыі жаночых ВНУ. Падрыхтоўка вядзецца па 53 спецыяльнасцях вышэйшай адукацыі I ступені, якія адносяцца да васьмі профіляў адукацыі: матэматыкі, інжынерыі, філалогіі, педагогікі, правазнаўства, эканомікі, кіравання і мастацтвазнаўства. Найбольш моцнымі з іх лічацца «Дашкольная адукацыя», «Сацыяльная праца», «Сусветная эканоміка і міжнародны гандаль», «Кіраванне турыстычным бізнесам», «Кіраванне на прадпрыемстве», «Бухгалтарскі ўлік», «Навука і тэхналогіі вылічальнай машыны», «Кіраванне людскімі рэсурсамі», «Маркетынг», «Фінансы і крэдыт», «Дзелавая англійская мова», «Тэхналогіі лічбавых медыяў».