Студэнты выпускных і перадвыпускных курсаў факультэта мастацтваў і дызайну па спецыяльнасцях «Музычнае мастацтва і сусветная мастацкая культура», «Народная творчасць (інструментальная музыка)» сустрэліся з дырэктарамі Гродзенскай дзіцячай школы мастацтваў ім. А. Тызенгаўза Вольгай Жамойцінай і Дзіцячай музычнай школы мастацтваў № 2 г. Гродна Юліяй Амельчанка. Таксама студэнты сустрэліся з кіраўніком камернага хору «Гродзенская капэла» Ганнай Казімірчык. Падчас дыялогу абмяркоўваліся актуальныя пытанні будучаго размеркавання, адпаведнасць прафесійных кампетэнцый і задаволенасць заказчыкаў кадраў.

Са студэнтамі факультэта фізічнай культуры і педагагічнага факультэта правяла сустрэчу начальнік аддзела арганізацыйна-кадравай работы галоўнага ўпраўлення адукацыі Гродзенскага абласнога выканаўчага камітэта Таццяна Валенцейчык.

Таццяна Іванаўна расказала студэнтам аб рэалізацыі кадравай палітыкі ў сферы адукацыі, а таксама надала асаблівую ўвагу размеркаванню і мерам сацыяльнай падтрымкі маладых спецыялістаў. Таксама з прэзентацыямі выступілі заказчыкі кадраў з Навагрудскага, Астравецкага і Дзятлаўскага раёнаў, якія пазнаёмілі студэнтаў са спецыфікай працы ў сваіх установах адукацыі і расказалі аб індывідуальным суправаджэнні маладых спецыялістаў.