7 красавіка на факультэце эканомікі і кіравання Гродзенскага дзяржаўнага ўніверсітэта імя Янкі Купалы прайшоў семінар «Здаровы я – здаровая краіна! Здароўе беларускай жанчыны - дэмаграфічны прыярытэт краіны». Мерапрыемства было арганізавана Купалаўскім універсітэтам сумесна з арганізацыяй грамадскага аб'яднання "Беларускі саюз жанчын".У мерапрыемстве прынялі ўдзел 215 студэнтаў Гродзенскага дзяржаўнага ўніверсітэта імя Янкі Купалы, якія прадстаўляюць усе факультэты ўніверсітэта.
Галоўнымі тэмамі сустрэчы сталі ахова жаночага здароўя, падтрымка маці і дзіцяці, а таксама павышэнне якасці дапамогі, якая аказваецца сем'ям.
Спікерамі семінара выступілі прадстаўнікі Гродзенскага дзяржаўнага ўніверсітэта імя Янкі Купалы, Гродзенскага дзяржаўнага медыцынскага ўніверсітэта і Гродзенскай абласной дзіцячай клінічнай бальніцы.
З дакладам на тэму "Рэпрадуктыўны менеджмент" выступіла загадчык кафедры акушэрства і гінекалогіі Людміла Гуцікава. Начальнік цэнтра даўніверсітэцкай адукацыі Гродзенскага дзяржаўнага ўніверсітэта імя Янкі Купалы Алена Лапкоўская выступіла перад прысутнымі з дакладам “Мама – гучыць горда”, а ўрач-педыятр абласнога кабінета катамнестычнага назірання Гродзенскай абласной дзіцячай клінічнай бальніцы Ірына Ярохіна прадставіла даклад на тэму «Педыятрыя: клопат пра дзіця і маці».
Мерапрыемства стала пляцоўкай для адкрытага дыялога аб тым, што здароўе жанчыны непасрэдна вызначае будучыню нашай краіны.
