Адкрыццё Трэцяга працоўнага семестра, прысвечанага 80-годдзю Перамогі, прайшло ў Мінску, аб'яднаўшы больш за 800 байцоў студэнцкіх атрадаў з усёй краіны. Сярод удзельнікаў маштабнага мерапрыемства - студэнты ГрДУ імя Янкі Купалы.
Урачыстая цырымонія адкрыцця адбылася на плошчы Дзяржаўнага флага Рэспублікі Беларусь, дзе камандзіры атрадаў атрымалі «Працоўныя пуцёўкі» з рук ганаровых гасцей. Байцы студэнцкіх атрадаў будуць працаваць на такіх прадпрыемствах, як завод «Атлант», МАЗ, а таксама ў Нацыянальным дзіцячым адукацыйна-аздараўленчым цэнтры «Зубраня» і іншых аб'ектах, паведамляе БелТА.
У рамках праграмы ўдзельнікі прынялі ўдзел у маладзёжнай працоўнай акцыі «#ТрудКрут», а таксама наведалі кінаканцэрт «Рэквіем. Каб памяталі…» і экспазіцыю «Дарога да Перамогі», прысвечаную 80-годдзю Перамогі савецкага народа ў Вялікай Айчыннай вайне.
Нагадаем, што сёлета больш за 800 купалаўцаў пачнуць працоўную дзейнасць у складзе студэнцкіх атрадаў рознай накіраванасці: будаўнічых, педагагічных, сэрвісных, вытворчых і сельскагаспадарчых.
Гродзенскі дзяржаўны ўніверсітэт імя Янкі Купалы