З 2 па 5 верасня ў Гродзенскім дзяржаўным універсітэце імя Янкі Купалы ў навучальным корпусе па вуліцы Захарава, 32 праходзіць «Тыдзень спорту і здароўя».
Універсітэт адчыняе дзверы для ўсіх студэнтаў, якія жадаюць актыўна правесці вольны час. Навучэнцаў чакае насычаная праграма: сустрэча з запрошанымі выкладчыкамі і выпускнікамі, якія дабіліся высокіх спартыўных вынікаў; знаёмства з кіраўнікамі агульнаўніверсітэцкіх спартыўных секцый; майстар-класы па відах спорту; інтэрактыўныя спартовыя пляцоўкі. Традыцыйна пройдзе і здача нарматываў Дзяржаўнага фізкультурна-аздараўленчага комплексу Рэспублікі Беларусь «Гатовы да працы і абароны».
Таксама Гродзенскі дзяржаўны ўніверсітэт імя Янкі Купалы запрашае далучыцца да розных секцый: баскетбол, міні-футбол, валейбол, тэніс, бадмінтон і іншыя.
З поўнай праграмай спартовых мерапрыемстваў можна азнаёміцца па спасылцы. Не выпусціце свой шанец стаць часткай спартыўнага жыцця Купалаўскага ўніверсітэта!
Гродзенскі дзяржаўны ўніверсітэт імя Янкі Купалы