27 лістапада на факультэце эканомікі і кіравання Гродзенскага дзяржаўнага ўніверсітэта імя Янкі Купалы прайшла знакавая сустрэча. Госцем мерапрыемства стала Член Пастаяннай камісіі Савета Рэспублікі Нацыянальнага сходу Рэспублікі Беларусь па эканоміцы, бюджэце і фінансах, член Савета Рэспублікі Нацыянальнага сходу Рэспублікі Беларусь, начальнік філіяла ААТ "Банк развіцця Рэспублікі Беларусь" г. Гродна Алена Стальбоўская.
Мерапрыемства прайшло ў рамках развіцця практыка-арыентаванай адукацыі, фарміравання асноў прадпрымальніцтва, фарміравання цеснага ўзаемадзеяння са знешнімі стэкхолдэрамі. Ключавой тэмай сустрэчы сталі сучасныя тэндэнцыі ў падрыхтоўцы кадраў эканамічнага профіля.
Алена Стальбоўская падзялілася са студэнтамі гісторыяй асабістага прафесійнага росту, расказала пра важнасць атрымання эканамічнай адукацыі і пастаяннага павышэння сваіх прафесійных кампетэнцый і падзялілася вопытам арганізацыі ўзаемадзеяння з універсітэтам у рамках ранняга апускання ў прафесію.
Таксама Алена Стальбоўская расказала прысутным аб сваім навучанні ў магістратуры на факультэце эканомікі і кіравання Купалаўскага ўніверсітэта. Сёння яна актыўна ўдзельнічае ў жыцці ВНУ як член Клуба выпускнікоў факультэта эканомікі і кіравання і член Асацыяцыі выпускнікоў універсітэта.
Сустрэча прайшла ў фармаце жывога дыялогу. Студэнты цікавіліся як прафесійнай дзейнасцю госці, так і яе захапленнямі і хобі. Прадстаўнікі пярвічнай арганізацыі ГрДУ імя Янкі Купалы цікавіліся грамадскай дзейнасцю Алены Стальбоўскай.
У завяршэнні сустрэчы госця запрасіла студэнтаў да цеснага супрацоўніцтва ў рамках адукацыйнага працэсу, навуковых даследаванняў, а таксама прафесійнага і асобаснага росту.
Гродзенскі дзяржаўны ўніверсітэт імя Янкі Купалы