10 снежня адбыўся арганізацыйны сход VIII Фестывалю педагагічных класаў, у якім прынялі ўдзел кіраўнікі каманд і прадстаўнікі аргкамітэта.
Штогадовы фестываль педагагічных класаў праводзіцца з мэтай наладжвання супрацоўніцтва паміж Гродзенскім дзяржаўным універсітэтам імя Янкі Купалы і ўстановамі агульнай сярэдняй адукацыі Гродзенскай вобласці, а таксама павышэння прэстыжу педагагічнай прафесіі сярод маладога пакалення.
У гэтым годзе на VIII Фестываль педагагічных класаў паступіла каля 70 заявак са школ Гродзенскай вобласці. Акрамя таго, сёлета ўпершыню прымаюць удзел каманды з горада Валгаграда.
На арганізацыйным сходзе ўдзельнікам нагадалі аб тэрмінах правядзення мерапрыемства, парадку вызначэння пераможцаў, а таксама растлумачылі правілы прадастаўлення конкурсных матэрыялаў.
Нагадваем, што фестываль пачаў сваю працу 17 лістапада і працягнецца да 28 лютага 2026 года. Удзельнікаў чакаюць конкурсы "Мы - будучыя педагогі", "Ідэальны педагог", "Лепшы міні-урок", дзе навучэнцы змогуць прадэманстраваць свае творчыя здольнасці і раскрыць таленты. Акрамя таго, запланавана правядзенне тэсціравання для вучняў 10 і 11 класаў на праверку ведаў у галіне педагогікі і псіхалогіі па праграме факультатыўных заняткаў "Уводзіны ў педагагічную прафесію".
Гродзенскі дзяржаўны ўніверсітэт імя Янкі Купалы