26 лютага ў Купалаўскім універсітэце адбыўся семінар па тэме «Асаблівасці падаткаабкладання ў 2026 годзе». Экспертам выступіў старшыня экспертнага савета Палаты падатковых кансультантаў, эксперт Асацыяцыі падаткаплацельшчыкаў, аўдытар, падатковы кансультант Алег Бурдзюк.
Падчас сустрэчы выкладчыкі Купалаўскага ўніверсітэта пазнаёміліся з ключавымі зменамі ў агульнай частцы падатковага кодэкса. Адмысловая ўвага была нададзена новаму парадку налічэння ПДВ, акцызаў і падатку на прыбытак. Таксама эксперт растлумачыў нюансы вылічэння падаходнага падатку і падаткаў на даходы замежных арганізацый. У рамках праграмы семінара пагаварылі і аб маёмасных плацяжах: падатках на нерухомасць і зямлю. У завяршэнне абмеркавалі экалагічны падатак і работу ў рамках спрошчанай сістэмы падаткаабкладання.
Мэта сустрэчы – своечасовая адаптацыя грамадзян Рэспублікі Беларусь да змяненняў у заканадаўстве.
Гродзенскі дзяржаўны ўніверсітэт імя Янкі Купалы