Першае пасяджэнне навукова-тэхнічнай рады рэгіянальнай навукова-тэхнічнай праграмы «Інавацыйнае развіццё Гродзенскай вобласці» на 2026-2030 гады прайшло ўчора, 4 сакавіка. Дзяржаўным заказчыкам праграмы выступіў Гродзенскі абласны выканаўчы камітэт, а галаўной арганізацыяй-выканаўцам вызначаны Гродзенскі дзяржаўны ўніверсітэт імя Янкі Купалы.
На сустрэчы асаблівую ўвагу ўдзялілі практычным механізмам рэалізацыі праграмы. Купалаўскі ўніверсітэт як галаўная арганізацыя забяспечвае навукова-метадычнае суправаджэнне, каардынацыю ўдзельнікаў і экспертызу праектных прапаноў. Савет разгледзеў пытанні планавання работы на 2026 год і зацвердзіў рэгламент, паводле якога будуць разглядацца праекты для ўключэння ў рэгіянальную навукова-тэхнічную праграму.
У рамках пасяджэння адбылося абмеркаванне праекта задання, якое ўдзельнічае ў конкурсным адборы рэгіянальнай навукова-тэхнічнай праграмы. Удзельнікі прааналізавалі яго патэнцыйную эфектыўнасць, сацыяльную значнасць і рэалістычнасць прагназуемых вынікаў, каб забяспечыць высокую якасць навуковых распрацовак для рэгіёна.
Асаблівую ўвагу ўдзельнікі пасяджэння ўдзялілі адпаведнасці адбіраемых праектаў стратэгічным прыярытэтам сацыяльна-эканамічнага развіцця Гродзенскай вобласці, вызначаным Гродзенскім абласным выканаўчым камітэтам як дзяржаўным заказчыкам праграмы. Гэта дасць магчымасць сфакусіраваць навуковы патэнцыял на вырашэнні найбольш актуальных задач рэгіянальнай эканомікі і сацыяльнай сферы.
Гродзенскі дзяржаўны ўніверсітэт імя Янкі Купалы