Заўтра, 23 красавіка, у рамках конкурсу прафесійнага майстэрства "Педагог-інаватар Купалаўскага ўніверсітэта 2026" адбудзецца майстар-клас дацэнта кафедры журналістыкі Анастасіі Зезюлевіч, якая падзеліцца вопытам пераадолення моўнага бар'ера ў полікультурнай аўдыторыі студэнтаў.
Анастасія Вадзімаўна падзялілася тым, чаго чакаць удзельнікам ад заўтрашняга майстар-класа.
- У рабоце з замежнымі студэнтамі важна адаптаваць узровень іх базавых ведаў да патрабаванняў і стандартаў нашай сістэмы адукацыі. З улікам моўнага бар'ера гэтая задача ператвараецца ў "задачу з зорачкай". На майстар-класе я падзялюся вопытам адаптацыі класічнай лекцыі і практычнага занятку для працы з кітайскімі студэнтамі і магістрантамі.
Конкурснае выпрабаванне "Педагагічная майстэрня" пачнецца ў 13:30 у аўдыторыі 334 (вул. Ажэшкі, 22).
Нагадваем, сачыць за ходам конкурсу і знаёміцца з матэрыяламі канкурсантаў можна на сайце электроннага навукова-метадычнага часопіса "Універсітэт адукацыйных інавацый".
Гродзенскі дзяржаўны ўніверсітэт імя Янкі Купалы