З 8 па 10 мая Гродна стане цэнтрам памяці аб Вялікай Перамозе. Тут разгорнецца маштабная пляцоўка, прысвечаная 81-й гадавіне перамогі ў Вялікай Айчыннай вайне - "Гісторыя Вялікай Перамогі".
Арганізатары абяцаюць вельмі насычаную праграму. Святкаванне пачнецца ўжо 8 мая з паказу спектакля "У спісах не значыўся". Пастаноўка раскажа гісторыю юнага афіцэра, які адным з першых прыняў на сябе ўдар фашыстаў, абараняючы Брэсцкую крэпасць у першыя дні Вялікай Айчыннай вайны.
Асноўнае святкаванне пройдзе ў сам Дзень Перамогі, 9 мая. Свята пачнецца з рэспубліканскай акцыі "Беларусь памятае", урачыстага мітынгу і цырымоніі ўскладання кветак і вянкоў да брацкай магілы савецкіх воінаў і партызан, якія загінулі ў гады Вялікай Айчыннай вайны. У памяць аб вялікім подзвігу пройдзе хвіліна маўчання.
Потым гасцей свята чакае шырокая забаўляльная праграма. Кожны жадаючы зможа пазнаёміцца з узорамі сучаснай ваеннай тэхнікі, зброі і абмундзіравання, наведаць інтэрактыўныя квэсты і арт-прасторы, а таксама паслухаць выступленні калектываў з Гродна і Мінска. Свае пляцоўкі і паказальныя выступленні прадэманструюць сілавыя структуры, РУП "Белпошта" і навучальныя ўстановы: Гродзенскі дзяржаўны аграрны ўніверсітэт, Гродзенскі дзяржаўны медыцынскі ўніверсітэт і Купалаўскі ўніверсітэт.
Асаблівай часткай праграмы 9 мая стане падарожжа па старонках гісторыі. У рамках "Хронікі Пераможнага Шляху" ўдзельнікам свята пакажуць жыццё людзей у кожны год вайны.
У фінальны дзень свята, 10 мая, пройдзе ўрачысты рытуал ушаноўвання дзяржаўных сімвалаў Рэспублікі Беларусь і канцэртная праграма. Кульмінацыяй стане гістарычная рэканструкцыя фарсіравання Нёмана на гарадской набярэжнай.
Купалаўцы, запрашаем прыняць удзел у святкаванні Дня Перамогі!
Больш падрабязна аб мерапрыемствах урачыстасці можна даведацца ў праграме.
Гродзенскі дзяржаўны ўніверсітэт імя Янкі Купалы