Запрашаем купалаўцаў да ўдзелу ў маштабным творчым форуме Саюзнай дзяржавы. З 5 чэрвеня афіцыйна стартаваў прыём заявак на нацыянальны адборачны этап фестывалю «Моладзь – за Саюзную дзяржаву».
Фестываль праводзіцца з 2006 года па ініцыятыве Парламенцкага сходу Саюза Беларусі і Расіі. За сваю гісторыю форум паспеў стаць важнай пляцоўкай для ўмацавання культурных сувязей паміж нашымі краінамі.
Паспрабаваць свае сілы могуць грамадзяне Рэспублікі Беларусь ва ўзросце ад 14 да 25 гадоў. Конкурсная праграма традыцыйна пройдзе ў двух ключавых напрамках: вакал і харэаграфія. Арганізатары чакаюць як індывідуальных выканаўцаў, так і творчых калектываў.
Заяўку можна падаць да 24 чэрвеня. Для ўдзелу неабходна запоўніць электронную форму на інтэрнэт-партале «Моладзь Беларусі» або на афіцыйных старонках БРСМ у сацыяльных сетках.
Адбор будзе адбывацца на працягу двух дзён, з 13 па 14 ліпеня. Ацэньваць майстэрства ўдзельнікаў будзе экспертнае журы, у склад якога ўвойдуць народныя артысты, заслужаныя дзеячы культуры, прафесійныя педагогі і вядомыя музыканты.
Фінальныя мерапрыемствы фестывалю пройдуць з 3 па 7 верасня ў Смаленску, які ў 2026 годзе мае ганаровы статус маладзёжнай сталіцы Расіі.
Гродзенскі дзяржаўны ўніверсітэт імя Янкі Купалы