Учора, 15 чэрвеня, студыю ток-шоу «Вокны горада» наведалі кіраўніцтва і ўдзельнікі студэнцкага навуковага гуртка пры кафедры крымінальнага права, працэсу і крыміналістыкі Гродзенскага дзяржаўнага ўніверсітэта імя Янкі Купалы.
У эфіры выступілі старшы выкладчык кафедры крымінальнага права, крымінальнага працэсу і крыміналістыкі, навуковы кіраўнік гуртка Валерый Козел, а таксама студэнты юрыдычнага факультэта: Вікторыя Мордань, Вольга Раманчук, Маргарыта Рыжко, Паліна Ліхач і Ілона Семянюк.
У рамках праграмы Валерый Козел падрабязна расказаў аб тым, як сёння арганізавана дзейнасць навуковага гуртка. Цяпер у яго рабоце задзейнічаны 74 актыўныя ўдзельнікі, прычым гэта не толькі студэнты кафедры крымінальнага права, працэсу і крыміналістыкі, але і навучэнцы іншых кафедр.
Расказваючы аб дзейнасці навуковага аб'яднання, удзельнікі адзначылі, што займаюцца не толькі навуковай дзейнасцю, але і ўдзельнічаюць у творчых і спартыўных мерапрыемствах, а таксама развіваюць міжнародныя сувязі. Акрамя таго, госці падзяліліся гісторыямі аб тым, як яны трапілі ў студэнцкую супольнасць, расказалі пра асабістыя дасягненні, планы на будучыню і традыцыі свайго гуртка.
Гродзенскі дзяржаўны ўніверсітэт імя Янкі Купалы