Нацыянальны цэнтр мастацкай творчасці дзяцей і моладзі аб'явіў аб старце прыёму заявак на Міжнародны фестываль-конкурс "Творчасць без межаў". У гэтым годзе маштабны творчы праект традыцыйна аб'яднае юных талентаў у вакальным, харэаграфічным і інструментальным жанрах. Конкурс штогод збірае больш за 10 тысяч удзельнікаў ва ўзросце ад 6 да 25 гадоў з усіх рэгіёнаў Беларусі і замежжа, адкрываючы новыя імёны і сціраючы межы для яркага культурнага абмену.
Фестываль, які традыцыйна праходзіць у дні восеньскіх канікулаў – з 2 па 6 лістапада, ужо заваяваў шчырую любоў удзельнікаў. Праект закліканы аб'яднаць аднадумцаў, адкрыць новыя імёны, а таксама падтрымаць як самастойных выканаўцаў, так і яркія творчыя калектывы. Гэтая міжнародная сустрэча культур дорыць дзецям незабыўныя эмоцыі, пашырае іх кругагляд і натхняе на новыя здзяйсненні дзякуючы жывым зносінам з аднагодкамі з розных краін.
Нацыянальны цэнтр мастацкай творчасці дзяцей і моладзі нагадвае, што прыём заявак у вакальным, харэаграфічным і інструментальным жанрах працягнецца да 25 верасня ўключна. Па выніках папярэдняга адбору ў другі (заключны) этап будуць дапушчаны каля 200 конкурсных нумароў.
Праграма фестывалю абяцае быць насычанай: удзельнікаў чакаюць не толькі конкурсныя іспыты, але і прафесійныя майстар-класы, творчыя сустрэчы, этнадыскатэка і займальныя экскурсіі. Высокі статус мерапрыемства пацвярджае міжнародны склад журы. Эксперты ў галіне мастацтва і адукацыі з Беларусі і замежжа не проста аб'ектыўна ацэньваюць выступленні - яны выступаюць у ролі ментараў, задаюць найвышэйшыя прафесійныя стандарты і натхняюць маладых артыстаў на новыя творчыя перамогі.
Прыём заявак вядзецца ў анлайн-фармаце. Падрабязная інфармацыя і Палажэнне размешчаны на афіцыйным сайце НЦМТДМ.
Гродзенскі дзяржаўны ўніверсітэт імя Янкі Купалы