Купалаўскі ўніверсітэт стаў пляцоўкай для маштабнага дыялогу ў рамках інфармацыйна-асветніцкага праекта «Пульс краіны: факты, трэнды, сэнсы». 6 жніўня Міністр інфармацыйнага ведамства сустрэўся з супрацоўнікамі гродзенскіх прадпрыемстваў і арганізацый, прадпрымальнікамі, пенсіянерамі і прадстаўнікамі моладзі. У ліку ўдзельнікаў – купалаўцы.
Асноўная мэта праекта «Пульс краіны: факты, трэнды, сэнсы» – наладзіць прамы дыялог з насельніцтвам, абмеркаваць актуальныя пытанні ўнутранай і знешняй палітыкі, процідзейнічаць распаўсюджванню недакладнай інфармацыі.
У рамках гэтага праекта Міністр інфармацыі Дзмітрый Жук у канцы ліпеня і пачатку жніўня 2026 года ўжо правёў шэраг сустрэч з насельніцтвам і працоўнымі калектывамі ў іншых рэгіёнах краіны. Сёння ён наведаў гродзенцаў, каб даць адкрытыя і аргументаваныя адказы на пытанні, якія іх хвалююць, нават, як адзначыў госць, на самыя нязручныя.
Сваё выступленне Дзмітрый Жук пачаў з экскурсу ў гісторыю Беларусі. Кіраўнік ведамства адзначыў, што менавіта цяпер, у бягучым моманце гістарычнага развіцця, у грамадзян нашай краіны з'явіўся ўнікальны шанс перадаць стабільнасць і дабрабыт наступным пакаленням беларусаў:
– Мы – беларусы, у нас ёсць свая суверэнная дзяржава. І зараз у нас з вамі ёсць унікальная магчымасць за ўсю гісторыю развіцця нашага народа: тое, што мы стварылі сваімі рукамі за апошнія 30 гадоў, перадаць наступным пакаленням. Ні разу ў гісторыі ў нас не было падобнага шанцу.
Спікер нагадаў аб згубнасці войн і рэвалюцый, якія, у прыватнасці, адбыліся ў Арменіі, Малдове, Кыргызстане і ва Украіне. Ён заклікаў аўдыторыю давяраць у першую чаргу сабе, а не інфармацыі, накіраванай на эмацыйнае рэагаванне для дэстабілізацыі сітуацыі ў краіне:
– Важна, каб не смартфоны кіравалі намі, а мы самі кіравалі сабой і сваім днём.
Інтэрактыўны фармат сустрэчы «пытанне-адказ» дазволіў кожнаму ўдзельніку задаць хвалюючае пытанне, выказаць сваё меркаванне і атрымаць кампетэнтную зваротную сувязь.
Пытанні датычыліся пошуку дакладнай інфармацыі і спосабаў данясення яе да аўдыторыі, закона аб рэкламе, правіл бяспечнай работы ў інтэрнеце і абароны асабістых даных, публікацыйнай дзейнасці, а таксама гістарычнай памяці, захавання стабільнасці і міру ў краіне і шмат іншага.
Міністр інфармацыі падрабязна адказаў на кожны з іх. Сустрэча прайшла на адным дыханні, зносіны з госцем былі жывыя, лёгкія і займальныя.
Гродзенскі дзяржаўны ўніверсітэт імя Янкі Купалы