28 лістапада на інжынерным факультэце ГрДУ імя Янкі Купалы адбылася цёплая і прадуктыўная сустрэча «Вячэрні ІФ. Прафсаюз аб'ядноўвае»! Студэнты факультэта атрымалі ўнікальную магчымасць паразмаўляць у нефармальнай абстаноўцы з вядучымі спецыялістамі і кіраўнікамі арганізацый.
Сустрэча сабрала яркіх спікераў: дырэктара кампаніі «Белкард» Андрэя Яначкіна, старшыню Гродзенскай абласной арганізацыі Беларускага Прафсаюза работнікаў адукацыі і навукі Лелу Шпак, старшыню Гродзенскай абласной арганізацыі Прафсаюза «БЕЛПРАФМАШ» Алесю Цыдзік, дырэктара кампаніі «БелТАПАз» Віктара Лясовіча.
Удзельнікі абмеркавалі актуальныя пытанні працаўладкавання, кар'ернага росту і прафесійнага развіцця маладых спецыялістаў. Студэнты змаглі задаць пытанні, якія іх цікавяць, аб рабоце ў інжынернай сферы, даведацца аб перспектывах і атрымаць каштоўныя парады ад вопытных прафесіяналаў. Сустрэча стала выдатнай пляцоўкай для нетворкінга і ўстанаўлення кантактаў паміж будучымі спецыялістамі і прадстаўнікамі вядучых кампаній рэгіёну.
Мерапрыемства «Вячэрні ІФ» ужо стала добрай традыцыяй, якая садзейнічае паспяховаму прафесійнаму станаўленню нашых студэнтаў.
Гродзенскі дзяржаўны ўніверсітэт імя Янкі Купалы