6 чэрвеня ў рамках V Міжнароднага Саратаўскага форуму прайшла работа філалагічнай пляцоўкі "Мова і культура ў праве", якая аб'яднала філолагаў-русістаў і выкладчыкаў замежных моў з Расіі, Беларусі і Узбекістана. Свае даклады ў анлайн фармаце прадставілі купалаўцы - загадчык кафедры замежных моў Святлана Ляскевіч і дацэнт кафедры замежных моў Іна Лісоўская.
У цэнтры ўвагі канферэнцыі аказаліся найбольш актуальныя праблемы, якія патрабуюць мультыдысцыплінарнага падыходу. Сярод іх – складанасці прававога рэгулявання моўнай разнастайнасці ва ўмовах поліэтнічнасці, бягучы стан рускай мовы і яе сувязь з нацыянальнай ідэнтычнасцю, моўны статус у сучасным свеце, роля моў міжнародных зносін, сучасныя метады выкладання рускай мовы як замежнай, асаблівасці выкладання замежных моў ва ўмовах глабальных выклікаў, а таксама лінгва-прававыя.
Купалаўцы прадставілі на канферэнцыі два даклады. Іна Лісоўская ў сваім дакладзе "Рэфлексіўнае навучанне студэнтаў у кантэксце сучасных глабальных выклікаў" акцэнтавала ўвагу на важнасці рэфлексіўнага навучання як метаду, які садзейнічае развіццю крытычнага мыслення і самааналізу ў студэнтаў. Святлана Ляскевіч у сваім дакладзе “Пераклад як спосаб міжкультурнай камунікацыі: санеты Янкі Купалы ў перакладзе на рускую і англійскую мову” даследавала ролю перакладу як сродку міжкультурнай камунікацыі, засяродзіўшыся на санетах беларускага паэта Янкі Купалы. Яна прааналізавала асаблівасці перакладу паэтычных тэкстаў на рускую і англійскую мовы, вылучыўшы складаныя моманты, звязаныя з перадачай культурных нюансаў і эмацыйнай нагрузкі.
Абодва даклады сталі важкім укладам у абмеркаванне актуальных тэм сучаснай адукацыі і культуры, дэманструючы высокі ўзровень даследчай працы купалаўцаў.
Варта адзначыць, што сёлета архітэктура V Саратаўскага юрыдычнага форума "Сучасная прававая сістэма Расіі: спадчына Перамогі і погляд у будучыню" была пашырана за кошт дадання філалагічнай, філасофскай і гістарычнай пляцовак. Праца традыцыйнай юрыдычнай пляцоўкі запланавана на 18-20 чэрвеня 2025 года. У праграме форуму прадугледжаны навуковыя дыскусіі, а таксама такія мерапрыемствы, як пасяджэнні Праўлення Асацыяцыі юрыстаў Расіі, Прэзідыума Асацыяцыі юрыдычнай адукацыі, Стратэгічная сесія пракурорскіх работнікаў і іншыя. Падрабязную інфармацыю аб архітэктуры форума можна знайсці тут.
Гродзенскі дзяржаўны ўніверсітэт імя Янкі Купалы