26 красавіка ў Гродне прайшоў велапрабег, прымеркаваны да 80-годдзя Перамогі ў Вялікай Айчыннай вайне, у якім прынялі ўдзел студэнты Гродзенскага дзяржаўнага ўніверсітэта імя Янкі Купалы.
Перад пачаткам мерапрыемства ўдзельнікі ўсклалі кветкі да мемарыяла воінам Беларускай акругі, што сімвалізавала павагу і памяць аб героях, якія баранілі нашу краіну. Пасля гэтага веласіпедысты адправіліся па загадзя вызначаным маршруце.
Маршрут велапрабегу праходзіў праз ключавыя вуліцы горада: ад мемарыяла воінам Беларускай акругі па вуліцах Савецкіх Пагранічнікаў, Гарновых, Маставой, Стэфана Баторыя і Карла Маркса, а таксама па праспекце Касманаўтаў, фінальным пунктам маршруту быў Курган Славы. Агульная працягласць склала 10 кіламетраў.
Гэтае мерапрыемства стала не толькі спартыўнай падзеяй, але і важным укладам у захаванне гістарычнай памяці, аб'яднаўшы моладзь у духу патрыятызму і павагі да мінулага.
Гродзенскі дзяржаўны ўніверсітэт імя Янкі Купалы